Plantun de Prouvènço

Pèr coumpara dos planto d'encò nostre

Valeriana montana & Carex divulsa

Valeriana montana

Caprifoliaceae Valerianaceae

Nom en français : Valériane des montagnes.

Descripcioun :
Aquesto valeriano trachis en mountagno ounte fai de mato. Semblo proun à Valeriana rotundifolia. Li fueio soun un pau verdalo e en cors à la baso pèr Valeriana rotundifolia alor qu'èi pas lou cas pèr Valeriana montana. Valeriana tripteris tambèn ié sèmblo, fau bèn regarda li fueio de la cambo que soun proun diferènto, emé tres fueioun. Coumpara emé la valeriano-di-fueio-roundo.

Usanço :
La racino se bèu en tisano contro li mau de dènt e de "nèrvi" (vèire la valeriano), P. Lieutaghi, op.cit. p. 551 .

Port : Erbo
Taio : Pancaro entresigna
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Valeriana
Famiho : Caprifoliaceae
Famiho classico : Valerianaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 800 à 2600 m
Aparado : Noun

Liò : Auto mountagno - Mountagno mejano - Roucas
Estànci : Mountagnard à Subaupen
Couroulougi : Pancaro entresigna
Ref. sc. : Valeriana montana L., 1753

Queirello(-dis-espiguet-dessepara)

Carex divulsa

Cyperaceae

Nom en français : Laîche à épis séparés.

Descripcioun :
La queirello-dis-espiguet-dessepara èi pulèu eisado de recounèisse emé soun espigo facho d'espiguet separa long de la cambo. L'espiguet d'en bas porto en generau un bratèio pu longo. Li fueio an de 2 à 5 mm de larjo ; li racino coupado soun bruno.

Usanço :
La baso di fueio d'aquesto queirello èro manjado en Anatolìo.